Visitastic converte o sitio onde esteades nunha xincana por GPS. Cóntavola un personaxe —unha praga, un dragón, un xabaril de pedra—, seguides o radar, resolvedes as probas e descubrides o que o lugar levaba séculos contando a quen se parase a mirar.
Cada unha cóntaa un personaxe: un dragón en Banyoles, unha praga no Penedès, un demo en Rupit. Antes de saír, a súa ficha dívos canto dura e cantos quilómetros son.
Márcavos cara a onde está o seguinte punto e canto falta, e vibra se vos desviades. Canto máis preto, máis nervioso se pon.
En cada parada, un reto: un test, algo que contar ou unha foto de grupo. Sempre hai alguén que dá coa resposta antes ca os demais.
Resolto o reto, o personaxe cóntavos que pasou alí de verdade. Esa rúa xa non a ides ver igual.
Os textos son os da app, sen retocar: o narrador é así de verdade.
📍 Proba 7 de «O morcego que quería ser dragón» · Casa Vídua Marfà, BarcelonaDívos que ides ver ao chegar, sen adiantar o reto.
Márcavos cara a onde e canto falta. «Cheguei» acéndese cando estades preto.
Alí arriba hai alguén agardando por vós. Chova ou non chova, vai preparado: é de pedra, é un mono… e leva paraugas. Segue así desde 1905, tan tranquilo. Atopádeo e sacádelle unha foto, que a merece.
Aquí, unha foto. Noutros puntos, un test ou algo que contar.
Quen a fixo, cando e por que hai un mono. Os datos son reais; as opinións, do narrador.
Curiosidades reais que se descobren xogando. Saídes a por unha aventura e volvedes con historias que contar.
A auga que sae pola fonte de Caldes de Montbui caeu como chuvia hai doce mil anos. Antes de que existisen as pirámides.
📍 Caldes de Montbui · Font del LleóCada cepa do Penedès leva unha cicatriz no tronco, a un palmo do chan: a marca de como venceron á besta que comeu Sant Sadurní. Case ninguén se agacha a mirala.
📍 Sant Sadurní d'Anoia · as viñasAs rodeiras da rúa principal de Peratallada non as tallou ninguén: fixéronas as rodas dos carros, século tras século, sobre rocha viva.
📍 Peratallada · carrer de la RocaAcabamos de abrir e o mapa aínda ten ocos. Por iso de momento xógase gratis: preferimos que saiades a probalas e nos contedes que vos namora e que se pode mellorar, antes que cobrarvos por un catálogo a medio facer.
Non fai falta método de pago para comezar. Cando o acceso anticipado estea a piques de rematar avisarémosvos con 30 días de antelación, e decidides vós se quedades: 24,99 € ao ano por ser dos nosos primeiros aventureiros.
A maioría, entre hora e media e dúas horas e media a paso de paseo, con paradas. Cada ficha leva a duración e os quilómetros, e pódese deixar a medias: o progreso gárdase e retomádela onde a deixastes, aínda que sexa outro día.
Non. Está pensada para xogar en grupo: en familia, con amigos ou en parella. As probas son as mesmas para todos: uns buscan, outros len e todo o mundo opina.
Case nada. A ruta descárgase enteira ao comezar e o GPS non gasta datos, así que se a cobertura frouxea no medio da vila seguides xogando igual. O que haxa que enviar mándase só cando volva o sinal.
Un para todo o grupo. Abonda cunha conta e un móbil con GPS; o resto vai mirar, buscar e discutir, que é o divertido.
Cada proba ten pistas progresivas e, se non hai maneira, pódese saltar. Ninguén queda bloqueado nunha esquina. Iso si, as pistas restan puntos: primeiro mirade ben.
Avisámosvos con 30 días de antelación. Non gardamos ningún método de pago, así que ninguén cobra nada por sorpresa: decidides vós se seguides co prezo fundador.
O catálogo está aberto durante o acceso anticipado. Saíde, xogade e volvede cunha historia que contar.